Мордовия - МОРДВА (Эрзя, Мокша)

Лымбить сюротне паксясо Ломанде сэрейть. Нуи Ваня комбайнасо, Межaсoнть тейтерть.

Вейкесь юксост, дока Маня, Варштась Ванянь сельме: - Лоткавтык комбайнат, Ваня, Сак мартонок вейс.

— Мон бу молевлинь тенк, тейтерть, Ансяк арась шкась. Несынк, читне кодат манейть, Монь учи паксясь.

Ансяк зярдо сиянь росась Зоря ланга пры, Сувсо копачави модась, Паксясь кашт теи,

Сестэ лоткавтса комбайнам, Аламнес оймсян. Варминесь соркстасы моданть - Таго тевс кундан.

Зярдо прядсынь роботатнень, Сестэ тыненк сан, Ушодсынек киштематнень, Туян тенк баян.

Нуи Ваня комбайнасо — Пурны парочи. Маня капшалгавты сексенть — Покш кудат учи.

Эрзя раськень эрямотешксэнзэ./ Исторические вехи Эрзя народа.

Эрзя раськень эрямопингень лецтнема ды тешкстнема Читне.(Эрзят, тейсынек те лецтнема ковкерьксэнть вейсэ. Вешнеде, путнеде тезэнь од сёрмадовкст-пачтямот. Эрюш Вежай.)Показать полностью.

Неень шкань 1-це пингенть ушодксось. Страбон,кезэрень Эллада Масторонь содыдеесь, эсь сёрмадовкссонзо тешкстнес-ледстнесьЭрзя раськенть, лемдясь сонзэ «аорс» лемсэ-валсо.

Неень шкань 2-це пингесь. Птолемей, кезэрень Эллада Масторонь содыдеесь, сёрмадсь Эрзя раськеденть, лемдясь сонзэ «арсиитт».

Неень шкань 10-це пингесь. Иосиф Хазар Масторонь инязорось эсь сёрмасонзо тешкстызе-ледстизе Эрзя раськенть, лемдясь сонзэ «арису» лемсэ-валсо.

Неень шкань 10-це пингесь. Ибн-Хаукальараб раськень ломань, ламо масторга якиця-пакиця ды Модамасторонь содыдей,сёрмадсь Эрзя раськеденть: ули раське Arsaja (Ersaja), конанть инязорозо ашти Arsa (Ersa) Масторсо, косто усксить раужо чинемень ды раужо ривезень кедть дыкиве.

Нееньшкань 13-14-це пингетне. Рузонь кедьсёрмадовкстнэсэ а весть лецтневи ЭрзяньМасторось, конань сёрмадыцятне лемдить «Пургазонь Мастор» («Пургасоваволость»).

Нееньшкань 13-це пингень прядовомась. Виевгадсть Эрзянь Масторонть лангсрузонь чинязтнэнь ушмовиест кайсевемась.

Нееньшкань 14-це пингень куншкась. Эрзянь Масторонть прявтсо кармась Алабуга Инязорось. Эрзянь прявт ошокскармась Эрзямас ошось (Арзамас). Эрзянь вийтне пек лавшольть. СекскакАлабуганень ульнесь пек стака кирдемс рузонь чинязмастортнэнь ушмовийтнеяк,ордань ушмовийтнеяк. Тензэ савсь кирдемс рузонь ушмовийтнень, савсь пандомскаявкс ордас.

Нееньшкань 15-це пингень ушодксось. Эрзянь Масторось каладсь зярыя эрзяньчинязмасторокс. Виезэ пек лавшомсь.

Нееньшкань 15-16-це пингетне. Эрзянь Масторонтень савсь улемс Рузонь Масторонь дыКазанень Ханмасторонть кувака туремаст ютксо. Эрзянь Масторонь чинязтнэ терявтстькирдеме пряст а тей, а тов а максыцякс. Некеть пингетнестэ Эрзянь Масторосьпечтясь секе тевень каявкст чипельде аштиця Ханмастортнэстэ. Сеедьстэ Эрзянь Масторонтьлангс каявкшность ногайть, губант (кубант).

Нееньшкань 17-це пингень васенце пельксэсь. Эрзянь Масторга путозь ламо рузоньпандоошт: Инсарсо, Сарансо, Атямарсо, Пензасо… Сынь, нама, идесть ногаень дыгубанонь каявкстнэде. Ансяк мартост сась рузыявтомань политикаськак. ЭрзяньМасторс каявсть монастырьтне, бояртнэ, церькуватне. Кармасть нельгеме эрзяньраськень модатнень. Эрзятнень кармасть торос оды толсо лемдямо «православияс».Эрзятне кармасть оргодеме Равонть томбалев.

1103 иесь. Эрзянь Мастороньушмовиесь изнизе Владимир ды Суздаль чинязмастортнэнь ушмовиенть, конакаявкшнось Эрзянь Масторонь лангс.

1172иесь. Эрзянь Масторонть лангс каявкшнось Владимир ды Суздальчинязмастортнэнь ушмось. Каявксось кардазель. Ятонь ушмовиесь нолдазельтюшумбар.

1209иесь. Эрзянь Масторонть лангс каявкшнось Рязань чинязмасторонь ушмось.Каявксось кардазель. Ятонь ушмовиесь сравтозель.

1221иесь. Владимир ды Суздаль чинязмастортнэнь ушмовиесь саизеОбран ошонть, коа сестэ ульнесь Эрзянь Масторонь прявт ошокс.

1223иесь. Булгар масторонть ушмовиензэ марто вейсэ Эрзянь Мастороньушмовиесь маштызе Джебе ды Субедей монголонь ушмоветийтнень ордаст. Покштуремась ульнесь Симбирь ёнкссо, Андреевка велиненть маласо.

1228 иесь. Эрзянь Масторсонть покш торпинге.Тельня Владимир ды Суздаль чинязмасторонь чинязтнэ, Юрьи ды Ярослав, Василко дыВсеволод, Мурома чинязмасторонь чинязось мартост, каявсть Эрзянь Масторонтьлангс, конань инязорокс сестэ ульнесь Пургаз Инязорось. Рузонь яттнэ сюротненьпултызь, каргоцьтнизь, ракшатнень печксизь, эрзянь велетнень пултызь. Ламоэрзят маштсть торосо апак жаля, ламо сайсть полонс. Ламо эрзяткекшнесть вирень кородомга. Кие эзь кенере кекшеме-оргодеме, сетнень маштызь.

1229иесь. Эрзянь Масторонь ушмовиесь терявтсь велявтомонзо Обран ошонть.Ульнесть кисэнзэ стака, кувака тюремат, ансяк ошось эрзятненень эзь велявтово.Эрзянь вийтне эзть сато.

1232иесь. Эрзянь Масторонь ушмовиесь лездась Булгария Масторонтень кирдемсмонголонь ордань каявомасто.

1232иесь. Владимир ды Суздаль чинязмастронь ушмовийтне нарьгизь ЭрзяньМасторонь пелеве-чилисема

1237иесь. Кизэ. Эрзянь Масторонть лангс каявсь монголонь ушмовиесь. Эрзятнекаявоманть кирдизь.

1238иесь. Сёксь. Таго Эрзянь Масторонть лангс каявсть монголонь ордатне.Сынь эрзятненень эзть кирдеве. Пургаз Инязоронтень савсь потамс пелевеёнов,тусто вирьс.

1240иесь. Эрзянь ушмовиесь Пургаз Инязоронть прявтсо пансинзе ЭрзяньМасторсо кадовозь монголонь ушмовиень пелькстнэнь. Эрзянь Масторось велявтсьПургаз Инязоронть кедьвиензэ алов.

1242иесь. Монголонь одатне велявтсть ды таго каявсть Эрзянь Масторонтьлангс. Эрзянь ушмовиесь изнязель. Те иестэнть саезь Пургаз Инязоронть лемезэкезэрень кедьсёрмадовкстнэсэ а лецтневи. Улема, сон путызэ прянзо-эрямонзо Эрзяраськенть кис туремасо.

1480иесь. Эрзянь Масторонь чинязмастортнэ оляксомтовсть Орданть эйстэ.

1540иесь. Лавшомозь Эрзянь Масторонть лангс каявсь ногаень ордась. Нетькаявоматне кармавтызь эрзянь чинязтнэнь молеме рузонь чинязтнэнь кедь алов.

1551 иесь. Прядовсь Эрзя раськенть эсьмельсэ-олясо эрямозо. Свияга ошкесэнть эрзянь вийсэ матразь-лепштязьпокштнэ путызь кедьтешксэст Свиягань валмаксома конёвонть ало, кона кемекстызерузонь инязоронть Эрзя раськенть лангсо.

1552иесь. Эрзянь ушмовий пелькстнэ ульнесть рузонь ушмовийтнень ютксоКазань ошонь саемстэ.

1629 ие. Ютавтозель кезэрень шкань меельцеРаськень Озксось. Теде мейле Россия империянь кирдивиесь 370 иень пертьсонзэ кардызе.

1670 иесь. Эрзятне тюрьсть РазинСтёпанонь кедь ало импрериянь кирдивиенть каршо. Те иестэнть, ацамковонь 4-цечистэнть ульнесь эриксстэ пултазь чапозь кундосо Арзамасонь Олёна.

1743-1745 иетне. Терюшбуеньэрзятнень кепедемась. Кирдивийсэнть ульнесь ламо эрзянь верень валомасомадстезь-матразь

1884 иесь. Нолдазель эрзяньвасенце тонавтома кинигась-букваресь. Теицязо-пурныцязо – А.Ф. Юртов,эрзянь васенце преввалдомтыесь.

1897иесь. Чачсь Тимофей Васильев, вейкесь эрзятнестэ, кие путызе эрямонзо эрзяды мокшонь раськетнень автономиянть тееманзо кис. Ульнесь ледезькирдивийсэнть 1939 иень медьковонь 31 читэнть.

1906 иесь. Эрзянь васенцежурналистэсь В.В. Бажанов кармась нолднеме рузонь кельсэ «Мужик»кулялопанть. Саран ош.

1920 иесь. Медьковонь 15-це чистэнтьлиссь эрзянь васенце кулялопась – «Чинь стямо». Симбирск ош.

1923иесь. Эрзяте пурнасть тейсть ломанень пурнавкс-вейсэндявкс - «Сыргозема».Москов ош. Вейсэндявксось важодсь 1940 иенть видьс.

1928 иесь. Панжиков. Теезельэрзянь ды мокшонь автономиясь. Лемдязель рускс: «Мордовский округ». Прявтошокспутозель Саран ошось.

1928 иесь. Кармась лиснеме эрзяньвасенце эрзянь «Сятко» ловномаставксось-журналось. Самара ош.

1994 иесь. Таштамковсто кармасьлиснеме-нолдавомо «Эрзянь Мастор» эрзянь кулялопась.

1994 иесь. Нолдазь «Масторава»эрзянь мараляксчинь морокерьксэсь. Ладсицязо А.М. Шаронов.

1999 иесь. Медьковонь 19 чистэнть.Ютавтозь неень шкань васенце Раськень Озксось, кона кардазель рузонькирдивийсэнть 370 иень перть.

2004 иесь. Медьковонь 10-цечистэнть. Чукал велесэ ютась неень шкань омбоце Раськень Озксось. ЭйсэнзэЭрзянь Атянь Эземесь сась мельс – кочкамс эрзянь Инязор. Инязорокскочказель Кшуманцянь Пиргуж (Мусалёв Григорий Дмитриевич).

4-це чись. Эрзянь Мастороньванстыцянь-идицянь Чи.

Те чистэнть, 1103 иестэ Эрзянь Ушмовиесь Пургаз Инязоронть прявтсо маштызе дытюшумбар нолдызе Владимир ды Суздаль чинязмастортнэнь ушмовиенть, конакаявкшнось Эрзянь Масторонть лангс.

Киев ошонь кедьсёрмадовкссонть 1103 иеденть сёрмадозь: «Секе иестэнть тюрьсьторпингесэ Ярослав Эрзя раськенть марто эйзюрковонь нилеце чистэнть, ды Ярославульнесь изнязель»/«Того же лета бися Ярослав с Мордвою месяца марта в 4 день ипобежден бысть Ярослав».

Ней эрзятне кодаяк а тешкстнить те эрзя раськень ине чинть, а ледстнить ЭрзяньМасторонь идицятнень-ванстыцятнень. Сыретнень виест арасть, однэ а содыть, элипревест-мелест а сатыть…

Кода витемс те тевенть?

16-це чись. Эрзянь келень Чи.

24-це чись. Чумовтомо ледезь ды пекстнезьэрзянь ломантнень ледстнема Чи.

Те чистэнть, 1938 иестэ, Саран ошонть маласо салава маштозельть-леднезельтьламодо ламо эрзянь содавикст ломанть, конат кепедсть эрзя раськень мельёжонть.

Сынст ютксо эрзянь интеллигентнэ-парсте тонввтозь ды ламо содыця ломантне: А.Рябов, В. Рябов, И. Арапов, Ф. Чесноков, М. Маркелов, Я. Григошин ды ламо лияэрзят.

Веньберть сынь ледезельть Саран ошсо, НКВД-нь тюрьмасо. Уловост ускозельть карчвирень латкос. Те таркась ней содавикс. Те Зеленстрой посёлканть вакссо, кавтовайгелбеть Саран ошонть ТВ-копёронть (вышка), вейке вайгельбе 2№-сэ ошонькалмазыренть эйстэ.

Историктне ловить, тозонь вализь мода потс НКВД-нь ломаньмашыйтне (палачи) эрзяраськень сырнень ломанензэ. Те шкас тосо арась кодамояк лецтнема тешкс эли лаз.Кирдивиентень те а эряви.

Эрзят, кияк кунды те тевентень?

19-це чись. 1999 ие. Вельмевтезь Эрзя раськень кезэренде кезэрень коесь – РаськеньОзксось. Ютась Чукал велесэ. Покш Игнатбуе.

26-це чись. Эрзятне тешкстыть Эрзяраськень маралянь Чи. Те чистэнть,1745 иестэ Россия империянькирдивиесь ульнесь эриксстэ пултзь толпандясо Терюшбуень эрзянь раськекепедеманьпрявтось - Несмеян Васильев.

Эрзятнень арасель мелест озномо лия раськень пазнэнь, лемдявтомо эсь пряструзонь «православияс» ды сынь стясь-кепедевсть ушмокедьёнкс марто эсь Кемеманть кис. Те эрзянь раськекепедемась ульнесь кежейстэ изнязь ансяк империянь ушмовийсэ. Ламо эрзят ульнесть маштозь, панезь эрямо таркастост, эрзянь велетне пултазельть.

Те шкас Несмеян Васильевнень апак путо кодамояк лецтнемрунго. Ансяк Аношонь Тумаень эрзянь этнопарксонзо.